Supersiech isch im Radisli gsi!

Geschter si Supersiech bim Radisli im Radiostudio gsi …

Die Vierer-Formation usm meh oder weniger Solothurnische het mit vielne Inschtrument mehreri Songs live im Studio gspielt. Ghört hei mir „Grännisiech“, „S’git nüt wo’s nid git“, „Wauter“ und när no e Supersiech-Interpretation vo „Chocolate Jesus“, wo ursprünglech vom Tom Waits isch.

Sie hei üs verzellt, warum sie uf Mundart singe. Sie hei erklärt, warum dass es schön isch, e „Kampf-Gig“ zgwinne. Sie hei bewiese, dass sie live wahnsinnig fäge.

Znächste Mal ga luege chame sie übrigens am, Samschtig, 28. April, im Chlöschterli Pup in Münsige.

Hesch d’Sändig verpasst? Kes Problem! Lad dr Podcast abe! Lueg hie: Radieschen-Sendung vom 26. April 2012 (ungfähr 120 Megabyte)

Kommentare geschlossen.