Uristier hei gföhnet im Radiesli!

Geschter die vier Giele vo Uristier bi üs gsi …

Urs, Rolf, Jörg & Michu hei sech in Schwande z’Thun uf ihre Aebi-Traktor gsetzt & hei sech ufe Wäg gmacht abe i d’Stadt. Sie si i ds Radiostudio vo RaBe cho, für im Radiesli cho z’föhne. Auso „föhne“ isch vilech chli übertribe, weil dr gröscht Teil isch akustisch gsi.

Me het viu gschwätzt & glachet & drzue hei die „Mundart-Schtromgitarre-Musiker“ füf Lieder live zum Beschte gäh: „Goldschmied“, „Feissbock“, „Nasegrüble“, „N.I.W.“ & „Gott“. Ersch grad isch es nöis Album vo ihne usecho, Aebiroad.

Drzwüsche hei mir no es chlises Lampefieber-Interview mitem Luca vo END gmacht, wo im ISC z’Bärn hei gspielt.

Hesch d’Sändig verpasst? Die dräckige Lieder vo Uristier nid ghört? De abonnier üse Podcast oder lad dir d’Sändig abe: Radieschen-Sendung vom 28. Februar 2013 (öppe 120 Megabyte)

Kommentare geschlossen.